CCCXVI.

1417, November 22. Ottmachau.

Die Klosterbrüder kaufen Güter in Bettlerdorf.

Item die XXII. mensis Novembris in Othmuchow coram domino nostro episcopo Glocryand de Rachnow et Wolfardus frater suus vendiderunt hereditarie bona sua omnia et singula, que in Betlerdorf districtus Othmuchoviensis habuerunt nichil sibi aut heredibus suis iuris aut dominii in ipsis reservando, sed omni iuri et dominio, quibus ipsi dicta bona habuerunt et tenuerunt, venerabili patri domino Johanni abbati monasterii Camencz ementi pro se et conventu suo pro certa summa pecunie; de quibus concordarunt et dominus noster contulit salvo iure ecclesie et aliorum; presentibus: domino Johanne Augustini decano Bregensi, Petro Gawske, Fredrico Czetheras, Hinczone de Neudorff, Johanne Razke, Johanne Muschczin, Bernhardo de Niclosdorff et Georgio de Tharnaw notario.

Neisser Lagerbuch a. d. J. 1414-15 (F. Neisse III. 21. D.) fol. 134.

Codex Diplomaticus Silesiae, hrsg vom Vereine für Geschichte und Alterthum Schlesiens, Bd 10, Urkunden des Kloster Kamenz. Hrsg von Dr Paul Pfotenhauer, Breslau 1881.